Алтайсэ юты этно-фестиваль (ЭРЗЯ)
Медьковонь 29-це чистэ Алтай енксонь Борисово велесэ юты «Эрзянь коень-кирдань вельмема» регионъютконь 2-це этно-фестивалесь. Те велесэнть кезэрень шкасто сезь эритьэрзят, конат бажить а стувтомс тиринь келест ды раськень коест. Велесэнть ули «Умарина» вокальной ансамбля ды «Эрзяночка» эйкакшонь коллектив. Зярыя иеде теде икеле Алтаень эрзятне арсесть ютавтомс фестиваль, конась бу пурнавлизе вейс эрзянь диаспоранть масторонь эрьва ужинестэ. Те иестэнть Мордовиянть пельде покшчис моли «Торама» содавикс группась.