Алкуксонь геройтне ютксонок. (Настоящие герои среди нас) ЭРЗЯ
Саранскойсэ ютась Мордовия Республикань исполнительной властень территориальной федеральной органонь прявтнэнь координационной совещания. Тосо ваннозель кавто кевкстемат – те Рав чирень Федеральной округсо 2016-це иень кизна шумбрачинь ванстомань кампаниянтень анокстамось. Омбоцесь – эрямо таркатнень, виртнень толонть эйстэ ванстомань профилактиканть эрявиксчизэ ды вирень пожартнэнь каршо региональной вийтнень анокчинь ванномась. Теде башка Ковылкинань эрицянтень Дмитрий Мозгачевнень максозель покш казне. Лецтяса сон лездась одноклассникензэ туртов. Ютазь иень панжиковонь меельце чистэнть сынь ялганзо марто оймсесть Мокша леенть чиресэ. Ялгазо мольсь экшелямо, чопавтсь ведьс, вачкодевсь леенть потмаксос ды кармась ваямо. Тень неезь ялгазо кирнявтсь ваицянть идеме, таргизе лей чирес ды тердсь лездыцят. Подвигенть кисэ од церась казезель «За спасение погибающих на водах» медальсэ.