Актрисась Нина Абросимова театрань искусствантень алтась 25 иеть (Актриса Нина Абросимова театральному искусству посвятила 25 лет) ЭРЗЯ
Казанень культурань институтонь прядомадо мейле сы эрзя-мокшонь драмань театрав. Неть иетнень перть налксезель ниленьгеменде ламо покш рольть. Нина Абросимова марто минь вастовинек васенцеде. Ульнесь меленек седе домкасто ванномс сонзэ эрямокинзэ ды ёвтнемс теде минек ваныцянок туртов. Эрзя-мокшонь драмань театрасо сон налкси 25 иеть. Эрьва роленть налксемстэ –теке героенть эрямонзо эрясы… Истя сонзэ ульнесь свал. Школань прядомадо мейле карми тонавтнеме Казанень культурань институтсо. Корты, сестэ, тетязо-авазо чарькодизь ды нолдызь пурнамо содамочить те профессиянть коряс. Национальной театральной искусствасо покш путовсконь кисэ казезь МР-нь зярыя покш грамотасо ды Мордовиянь Прявтонть пельде шнамонь конёвсо. Теке марто а кандови сетнень юткс, конат кандыть пряст верьга; корты мартонок чевтестэ, панжинзе весе потмоёжонзо. Роботась ламо режиссёр марто ды эрьванть пельде свал саи ансяк паронть. Кода корты сонсь, эрьва роленть налксемстэ, свал тонавтни. Пштистэ эряви марямс аволь ансяк режиссеронть, но лия коллеганзо, кинь марто ашти сцена лангсо. Сестэ ансяк спектакляськак лиси.