АФУН-нь промксось Башкортостансо (ЭРЗЯ)
Неень шкане книгань нолдамонь стакачитне, финнэнь-угрань литературань каземась, малавгадыця конгрессэнтень анокстамось! Неть кевкстематне ванкшнозельть Россиянь ф-у раськень ассоциациянь президиумонь промкссо, кона ютась Башкортостансо. Финнэнь-угрань раськетнень культурась пек сюпав, сонзэ юронзо сюлмазь кезэрень шкатнень марто. Башкортостансо эрить 150 ламо этност. Сынст лия ёнов а молиця коест, келест ванстомадо кортасть Россиянь финнэнь-угрань ассоциациянь президиумонь промкссо. Республикась кирди кеме сюлмавомат раськень вейсэндявкстнэнь марто. Региононь опытесь ашти раськетнень ютксо ояксчинь паро невтемапелекс- тешксты ассоциациянь прявтось Пётр Тултаев. Республикань финнэнь-угрань раськень Ассамблеянтень -12 иеть. Общественной вейсэндявксось кирди сюлмавомат раськеютконь куротнень марто, лезды национальной культуратнень кастомантень. Регионсо панжозь раськень Ояксчинь кудонь филиалт. Прявт таркатнесэ — тиринь келень ванстомась. Неень шкане книгань нолдамонь стакачитне кортнезельть круглой столь экшсэ. Тесэ ютась финнэнь-угрань литературнаь презентациясь ды пусмотнень каземась Республикань раськень ловнома кудонь фондс. Вастовоманть лувсо пурнавозтне ульнесть Кармаскалинской районсо культурань куросо, домкасто кортнизь финнэнь-угрань раськень малавгадыця 6-це конгрессэнтень анокстамонть.
<iframe width=»560″ height=»315″ src=»https://www.youtube.com/embed/kItSfTfLV-E?rel=0&showinfo=0″ frameborder=»0″ allowfullscreen></iframe>