А.С. Пушкинонь лемса национальнай библиотекаса етась васедема од сермадыхнень мархта (В национальной библиотеке им. А.С. Пушкина прошла встреча с молодыми писателями) МОКША

Арась цебярь койкс Пушкинонь лемса национальнай библиотекаса ётафнемс васедемат смузю од ломаттнень мархта. «Созвездие талантов» лем ала иласа сёрмады стирьхне и цёратне сяда лац содафтсть фкя-фкянь мархта. Финцне лувозь эсь стихснон, омбоцне – моразь морснон. Кайгсть рузонь, мокшень, эрзянь, татаронь и украинецонь кяльса произведеният.

Библиотекань покодихне анокласть выставка од сёрмадыхнень книгаснон эзда. Сяс васедемас сафненди ульсь кода содафтомс оттнень творчестваснон мархта. Эряви азомс, Пушкинонь лемса национальнай библиотекаса ётафневи лама эрь кодама илада. Но смузю од ломаттнень мархта васедематне занцихть башка васта.

Тяфтама илатне лездыхть тейст няфтемс творчестваснон, тонафнемс фкянь-фкянь эзда. Пяк цебярь, што тя пуромкснень аноклайсна тернесазь аф аньцек Саранскяйста, но и районцта сёрмадыхнень.