А.С. Пушкинэнь чачома чинтень алтави (эрзя)
2024-це иестэ Россиясь тешксты Александр Сергеевич Пушкин валморонь сёрмадыцянть, классикенть 225 иень топодеманть. Те покшчинтень В.Д Поленов лемсэ Государствань Россиянь раськень шкинемань кудонь «Россиянь Федерациянь финнэнь-угрань культурань куншкакуро» филиалось алтасы «Великого Пушкина строфы» литературань-тонавтомань од теварсевксэнть. Те учреждениясонть литературань коряс сон кармась колмоце теварсевксэкс.
Икелень кавтотнень лувсо масторонь весе ужинетнестэ гайгсть Альберт Ванеевень ды Расул Гамзатовонь сёрмадовксост, ней жо весенень мереви невтемс арнеманть рузонь историясо валморонь ине сёрмадейтнень эйстэ вейкентень – Александр Сергеевич Пушкиннэнь.
«Великого Пушкина строфы» теварсевкстэ мелесь чачсь В.Д Поленов лемсэ Государствань Россиянь раськень шкинемань кудонь раськень коень «О сколько в этом слове…» ловноматнень лувсо, конат алтазельть Тиринь келень раськеютконь ды Масторонок ванстыцянь читненень. Покш чисэнть арсезель поладомс вейсэнь видеоневтематнень тееманть.
Те шкантень те акциянтень вейсэндясть Донецкой, Луганской Раськень Республикатне, Коми, Дагестан, Мордовия, Адыгея, Марий Эл, Крым, Удмуртия Республикатне, Пермень ёнксонь Коми-Пермяконь округось, Ненецкой, Ханты-Мансийск — Югра автономной округтне, Ленинградонь, Псковонь ды Калининградонь ёнкстнэ. Истя жо важодемат кучозельть Беларусь Республикасто.
Классикенть произведениятне ловновить рузонь ды раськень кельтнесэ.
Теде башка, ютавтыцятне арсесть токамс 2024-це иень прявт теманть, кона Россиясо яволявтозь Кудораськень иекс: панжсы теварсевксэнть Сыктывкар ошонь шкинев ды ялгаксчисэ эриця кудораськесь. «Великого Пушкина строфы» — пек эрявикс теварсевкс, конасонть невтить пряст эрьва кодат откерть. В.Д Поленов лемсэ Государствань Россиянь раськень шкинемань кудонь «Россиянь Федерациянь финнэнь-угрань культурань куншкакуро» филиалонь прявтось Татьяна Барахова ёвтнесь: «Истя ули меленек невтемс: Александр Сергеевичень, рузонь литературань чипаенть, ловныть ды вечксызь иетнень, важодемань ды культурасо явоматнень лангс апак вано». Од видеоневтематне кармить путовомо финнэнь-угрань куншкакуронь «ВКонтакте» вейсэндявкссо, «finnougoria.tv» видеопорталсо ды Youtube-каналсо таргос кавксть: куншкачистэ ды шлямочистэ 16 чассто.