А.Полежаев лемсэ музейсэнть панжовсь сёрмадыцянть П.С.Кирилловонь 105 иень топодемантень алтазь выставкась. (В музее им. А.Полежаева открылась выставка, посвящённая 105 летию писателя П.С.Кириллова) ЭРЗЯ
Те иестэнть топодевельть бу 105 иеть содавикс сёрмадыцянтень Пётр Семёнович Кирилловнень. Сонзэ произведениянзо совасть эрзя-мокшонь литературань сырнень фондс. Сермадыцянть шкинеманзо лецтизь А.Полежаев лемсэ музейсэ, косо пурнасть «Поэзия души и сердца» лементь ало выставка . 1973-це иестэ саезь сермадыцянть фондозо ванстови МР-нь государственной архивсэ. Документнэнь ютксо башка тарка саи автобиографиязо, рузонь ды эрзянь кельсэ сёрмадозь текстнэ, конатне витнезь сёрмадыцянть кедьсэ. Сень лангс апак вано, што чачсь сон сокицянь-видицянь семиясо, пек рана тонадсь ловномо.
Эряви меремс, што Петр Кириллов ещё школасо тонавтнемстэ арсесь седе, мекс арасть книгат эрзянь кельсэ. Авазо кемсь — церазо, школань прядомадо мейле, карми седе тов тонавтнеме ды эйстэнзэ лиси паро тонавтыця. 1920-це иестэ тиринь енкссонзо панжови васенце эрзя-мокшонь педагогической техникум, конань Кириллов прядызе 1928-це иестэ. Ине Отечественной войнань иетнестэ сон тюри ятонть каршо. Те шкась истяжо невтеви сонзэ творчествасонзо. «Войнань киява» стихень пусмосонть пурназь сонзэ сех паро стихензэ сеть иетнеде. Войнадо мейле Петр Семенович туи эрямо Московов. Теке марто весе творчествазо кадови сюлмазь Мордовиянть марто. Тесэ лиси сонзэ «Учительница» пьесась, конань путызь рузонь кельсэ драмань театрань сценанть лангсо. Сёрмадомадо башка Пётр Семёнович ламо ютавты, пурны минек раськень устно-поэтичесткой творчестванть. Сонзэ лементь ванстомга Саранскойсэ лемдязь куро, эйкакшонь библиотека.