68 путовкст Мордовиянть пельде (эрзя)
«Театральное Приволжье» округонь фестивальсэнть тедеде Мордовиянть пельде кармить пелькстамо 68 постановкат: 65 – школань студиятнень ды колмо – од ломанень самодеятельной артистэнь. Фестивалень вете иетнень перть истя ламо яволявтомат региононок пельде арасельть!
Ледстясынек, изницятне явовить эйкакшонь ды од ломанень коллективтнень ютксо.
Экспертэнь советэнтень, козонь совить региононь профессиональной театрань режиссёрт ды актёрт, эряви 2024-це иень даволковонь прядовомас кочкамс сехте вадря путовкст эрьва номинациясо. Кочкамотне молить кавто эскелькска. Васенцесэнть питне путови видеоверсиятненень. Омбоцесэнть эряви невтемс ваныцятненень сеть спектаклятнень, конатнень кочкизе экспертэнь советэсь. Эрьва номинациясо эйстэст колмонь-колмонь.
Омбоце эскельксэнь цётамотнень коряс ливтевить кавто спектаклятне, конат невтьсызь Мордовиянть округонь финалсо. Сонзэ цётамотнень ёвтасызь театрань Раськеютконь чинтень.
Изницятненень алтыть башка казнеть: сехте вадря режиссуранть, музыкань ды художественной оформлениянть кис, сехте вадря авань ды цёрань роленть ды спектаклянень афишанть ды плакатонть кис.
Теде башка коллективтнень-призёртнэнь туртов максовить грант од поставновкас или театрань ёрокчинтень тонавтомас.