2003-це иестэ саезь РФ-со панжови регионъютконь общественной вейсэндявкс, межэтнической журналистикань Гильдия. (ЭРЗЯ)
Васняяк те ульнесь куро, козонь пурнавкшность журналистнэ, конатне пиить-палыть массовой информациянь средстватнесэ раськеютконь тематнень панжомаст кисэ. Ней Гильдиянь журналистнэ роботыть Россиянь 45 регионсо. «Равось – ояксчинь лей» экспедициянь участниктнень ютксо зярыя иень перть важодить межэтнической Гильдиянь журналисттнэ. Тедидеяк эйстэдест ульнесть зярыя. Весе сынь паро мельсэ яксесть сеть семинартнэс, конатне ютавтозельть экспедициянь молема шкасто. Ды, вановтом коряс, сеть кевкстематне, конат панжозельть неть вастовоматнесэ, пек талновтыть гильдияс совицятнень.
«Актуальные вопросы межэтнической журналистики» семинарось ульнесь мельстуицякс журналисттнэнь туртов. Кортамось мольсь неень шкань СМИтнень мелявкстнэде, кодат стакачить печтить печатень изданиятне, кемемс – арась интернет-сайтнэнень, кодамокс эряви улемс профессиональной журналистэнтень. «Равось – ояксчинь лей» проектэсь гильдиянь журналистнэнь мельс тусь. Саемга Астрахань ёнкссо улить ламо проект национальной тематикас, ансяк истямо, кода те экспедициясь арась.
Гильдияс совицятне важодить межэтнической медиа-проект лангсо. Журналисттнэ анокстыть од журналист, конат седе тов кармить важодеме межэтнической тематикасо. 2006-це иестэ саезь «Радио России» государственной радиоканалсо кармасть лисеме «Народы России» цикловой радиопрограмматне. А кавто иень ютазь кармась нолдавомо «Национальный акцент» печатной изданиясь, кона кандови «Аргументы недели» газетантень. «СМИротворец» весероссиянь пелькстамось – истяжо Гильдицянь прявтнэнь арсемаст. Теде башка 2010-це иестэ саезь Гильдиясь свалшкане ютавтни журналистнэнь туртов СМИ-сэ межнациональной тематикань невтемадо кругловой стуворт, лекцият ды семинарт.