1941-1945 иень войнань ды трудонь подвигень мемориальной музейсэнть панжовсь «На огненной дуге» выставкась. (В мемориальном музее военного и трудового подвига открылась выставка «На огненной дуге») ЭРЗЯ

Неть читнестэ военной ды трудовой подвигень  мемориальной  музейсэнть панжовсь «На огненной дуге» лементь ало выставка. Сон алтави Курской оборонительной операциянть ушодовомантень. Курской битвась мольсь ведьгемень чинь перть,  медьковонь ветеце чистэ саезь умарьковонь комсь колмовоце чис. Те тюремась омбоце мировой войнань историясо ловови сех виевтнень эйстэ вейкекс, те ине тюремадонть мельга фашистской Германиясь кармась потамо. Апелемаст те сражениясонть невтизь и минек ёнксонь солдаттнэ, те разведчикесь Иван Старцев, артиллеристэсь Борис Алексеев, миномётчикесь Павел Гуреев ды ламот лият.

Выставканть прявт путовксозо невтемс кодамо покш таликазо Курской битванть, кода а шожда ульнесь се шкастонть минек солдатнэнень. Тесэ невтезь войнань шкань фотографиятне, архивной документнэ, тюремань документальной свидельстватне, исторической памяткатне.