Нармунень сывеленть – экспортс! (ЭРЗЯ)

Республикасонок нармунень сывелень анокстыцятне анокт кучомс эсест продукцияст экспортс. Теде ульнесь яволявтозь Мордовиянь Прявтонть кедьсэ ютавтозь совещаниясонть. Республиканок сови сеть регионтнэнь юткс, косо парсте роботы АПК-сь. Вейке ломань лангс сывелень, ловсонь ды алонь производстванть коряс Мордовиясь ашти васенце таркатнесэ РФ-нь субъектнэнь ютксо. Молиця иестэнть аграрийтне арсить миемс кастозенть 65 миллиард целковой лангс. Теезь продукицянть эсенек региононь томбалев ускомась процентэнь коряс саи ниленьгеменьстэ – вейксэньгеменьс. Кода тешкстась Республикань Прявтось, те неявикс путовкс, конань теить минек аграрийтне ярсамопелень рынкасонть импортозамещениянть топавтомга. Бути кортамс нармунень сывелень анокстамодонть, 2016-це иень 8 ковтнень перть сон кайсь 20 процентс. Владимир Волков мерсь, паряк маласо шкастонть Мордовиянь товаронь анокстыцятненень карми тесна минек масторонь масштабтнесэ. Совещаниясонть истяжо кортавсь электронной ветеринарной сертификациянтень ютамодонть. Арсеви, электронной носительс ютамось валгстсы финансонь канстонть велень хозяйствань производительтнень лангсто. Мордовиянь Прявтось Владимир Волков яволявтсь, республикань кирдивийтне анокт максомс ветеринарной службантень эрявикс лезксэнть.

Комментарии

Комментариев нет.

This blog is kept spam free by WP-SpamFree.

Главное сегодня