«Донбассонь чить» Саранскойсэ! (ЭРЗЯ)
Саранск ошсо ютасть мероприятият, конат алтавсть блокадной Донбассонтень. «Дни Донбасса» проектэнь арсицякс кармась Раськеютконь Гуманитарной группань прявтось, содавикс журналистэсь Галина Созанчук. Выставкас сыцятненень питневтеме невтевсть Лугансконь ды Краснодононь артыцятнень картинаст, Донбассонь лия ероков ломантнень теевксэст. 13 иесэ Богдан Косенко Алчевск ошсто, сэреди сахарной диабетэнь стака формасо, но тень лангс апак вано яви мель спортонтень ды бальной танцатненень, саи таркат эрьва кодамо пелькстамосо. А ведь зярыя ковдо теде икеле церынесь ульнесь комасо ды ансяк весе мода-масторонь ломантнень лезксэст ды эсензэ виензэ вельде церынесь одс стясь пильге лангс ды поладызе вечкевикс тевензэ. Мартонзо сакшнось и 9 иесэ Маша Созанчук, сон группань сех вишка волонтер, конась иензэ лангс апак вано аванзо марто вейсэ ардтни боевой действиянь зонав, уски гуманитарной группань составсо Донбассонь диабетсэ сэредиця эйкакштнэнень медикаментт. Проектэнть прявт путовксозо – ледстямс Россиянь эрицятненень, што сынст эйстэ овсе а васоло моли война, маштовить ломанть. Но тень лангс апак вано, ломантне поладыть артомо, киштеме, кемить вандынь чинтень ды лездыть эрямс лиятненень.