Владимир Волков – губернаторонь рейтингсэнть васенце таркатнесэ. (ЭРЗЯ)

МР-нь Прявтонь тевень топавтыцясь Владимир Волков сайсь 12-це тарка Россиянь ды 2-це тарка Рав кужонь федеральной округонь губернаторонь рейтингсэнть, конань анокстызе «Рейтинг» информационно-коммуникационной центрась медьковонь-аштемковонь перть. Кода тешкстыть исследованиянь автортнэ губернаторонь корпуссо течинь чинтень прявт тенденциятне, те региононть экономикань кастомазо, инвестициянь самось ды ломантнень эрямолувост кастомась. Региононь лидерэсь кирди позициятнень васняяк секс, мекс регионсонок ванстови управляемостень паро трендэсь. Аналитиктне кирдизь Владимир Волковонь планонзо 2017-це иентень. Арсеви кастомс региональной валовой продуктанть 5 процентс, промышленноенть ды велень хозяйстваньсенть – 6 процентс. Прявт путовксось, конань ладизе Госсобраниянь депутатнэнень посланиясонть Владимир Волков ды конань лангс явсть мель экспертнэяк, ломантнень доходнэ икельдяст инфляциянть. Васенце колмо позициятнесэ Белгород енксонь Евгений Савченко, Ямало-Ненецкой АО-нь Дмитрий Кобылкин, Московонь Сергей Собянин. Национальной рейтингень цетамотне анокстазь заочной анкетированиянть вельде, экспертной сообществас совицянь заочной ды очной кевкстнемасто.