«Шкань суреть» невтема (эрзя)
Умарьковонь 22-це чистэ 15 чассто Мордовиянь эрзянь-мокшонь раськень культурань музейсэ юты «Шкань суреть: эрзянь-мокшонь оршамопелень койтне» Мария Ивановна Бикеевань декоративно-прикладной искусствань кедьчелькев аванть невтемань панжома. Мария Ивановнань кедьсэ викшнезь оршамопелень кочкавксось пек покш — выставкасонть невтевить малав 30 важодемат. Те, васняяк, раськень оршамопельть, пряс путомат, нардамот ды нардапацинеть. Сонзэ произведениянзо явовить композицянь неявиксчисэнть, арсема мелень башкачисэнть. Эрьва викшневксэсь — од ёвтнема, важодеманть эйстэ эрьвась — алкуксонь питнечи. Эрьва оршамопелесь одов аёвтавикс ды башка, пештязь вечкемасо ды оймень лембесэ. Мазычинь неемас маштомачись ды тиринь раськень культурань парсте содамось — Мария Ивановнань произведениятнень теемстэ прявт лездыцянзо.