Рузаевкасо кудотнень перька таркатнень витнемас явовить 40 миллиондо ламо целковойть (эрзя)
Кудотнень перька таркатнень витнемс ламо ярмакт явозь Мордовиянь Прявтонть Артём Здуновонь лезксэнзэ вельде. Кудотнень перька таркатнень, конат вешить витнема, кочкизь эрицятнень кармавтомаст коряс. Алексей Федьков МР-нь Госсобраниянь депутатось ды Вячеслав Марчков ошонь Советэнь депутатось ве мельсэ кирдизь Солнечная куронь 3-це, 5-це, 7-це, 9-це кудонь эрицятнень. Тосто састь сехте ламо пшкадемат — личной приёмтнесэяк, социальной сеттнесэяк. Буень прявтось Александр Юткин ды Рузаевкань мэрэсь Алексей Домнин сыргасть сы шкань важодемань таркатнес ды пачтясть эрицятненень, кудотнень перька таркатнень витнесызь уш тедеде. Кудотнень строямодост мейле, те 30 ламо иеть, таркатне эзть одкстомтово. Арсеви одкстомтомс кудотнень перька таркатнень, сыненст совамотнень, подъездтнэнь совамонь группатнень ды теемс парковкань башка таркат. Эрицятне ёвтасть сюкпря буень, ошонь кирдивийтненень ды депутаттнэнень талновтыця кевкстематнень витеманть кисэ.