«Пурнык эйкакшонть школав» (эрзя)

Мордовиясо поладови «Пурнык эйкакшонть школав» весе Россиянь акциясь. Сонзэ ёнксозо, васняяк, СВО-со улицятнень кудраськетнестэ, истяжо ламо эйкакшонь триця эрямонь стакачис понгозь кудораськетнень васенце классос молицятненень лезксэнть максомась.
«Те сёксестэнть минек ванстыцятнень, СВО-со улицятнень, ламот эйкакшост, васенцеде озыть парта экшс. Минек ванстыцянок кудораськетненень мелявксонтень явтано башка мель. Содатано, кода цёратненень эряви содамс кудосто кирдемадонть», — тешкстызе Артём Здунов Мордовия Республикань Прявтось.
Республикань Рузаевкань, Кадошкинань, Атяшевань буетнесэ эйкакштненень пурнавкст максозельть Россиянь седеймарямонь ды шумбрачинь фондонть пельде. Сынст эйс совасть тетрадкат, пеналт, ручкат, альбомт, мазый тюсонь карандашт – школантень весе эрявиксэсь. Ковылкинань буесэ «Масторонь ванстыцят» фондонь ды буень авань советэнь представительтне макссть кудораськетненень школантень казнеть. «Торбеевань буеванть эрицятнень социальной ванстомань фондонь» учреждениясо «Масторонь ванстыцят» ды «Милосердие» фондтнэнь марто вейсэ ютась эрьгелемачи, конасонть СВО-со улицятнень эйкакштненень акциянть лувсо истяжо казезельть школантень весе эрявиксэсь.