«Профессионалы» пелькстамодо (эрзя)
Эйзюрковонь 5-це чистэ ютась весе Россиянь «Профессионалы» пелькстамонь региононь эскельксэнь изницятнень ды призёртнэнь каземась. Медальтнень максынзе МР-нь тонавтомань министрась Елена Солдатова. Вадрятнестэ вадрятне невтьсызь Мордовиянть кочкамонь (регионъютконь) эскелькссэ, мейле юты весе Россиянь финал.
Ледстясынек, пелькстамотне ютавтовсть даволковонь 26-це чистэ саезь эйзюрковонь 1-це чис 20 куротнева, ютксост — предприятиянь таркатне. СПО-нь 338 тонавтницят ды 14 иестэ саезь 62 школасо тонавтницят невтизь эсест ёрокчист регионсо вешевиця 64 компетенциятнень коряс.
«Чемпионаттнэ – лия ёнов амолиця куро, кона вейсэнди эсест ёрокчист невтиця пелькстыцятнень ды квалификациянь специалисттнэнень алкуксонь вешевксэнь невтицятнень, предприятиянь представительтнень. Тевень карадо-каршонь истямо топавтомась лезды анокстамс профессионалт экономикань вешевкстнэнь мельсэ кирдезь ды паролгавтомс кадрань анокстамонь системанть»,- тешкстызь ютавтыцятне.
Профессиональной ёрокчинь весе Россиянь пелькстамонь вейсэнь молемань арсевксэсь анокстазель ды топавтови 2023-це иестэ саезь Россиянь Федерациянь Просвещениянь Министерстванть вельде.