Мордовиясо ютась «Зыянтомочинь код» электронной журналонть марто содавтовомась (эрзя)
Тевесь алтазь Терроризманть марто бороцямосо ве мельс прамонь чинть марто, кона тешкстави таштамковонь 3-це чистэ. Журналось нолдазь Мордовия Республикань Чрезвычайной ситуациянь ды гражданской оборонань тевень коряс государственной комитетэнть, Культурань, раськень политикань ды архивень тевтнень коряс министерстванть арсемаст коряс, Мордовия Республикасо Антитеррористической комиссиянь аппаратонть ветямонзо ало.
Журналсо пурназь эрявикс материалт, конат кастыть антитеррористической грамотностенть марто сюлмазь содамочитнень: кармавтомат, кода а понгомс аволь вадря ломантень кедьс; мезе теемс, бути мутадо акемевикс кедьёнкс; истяжо тематикань материалт Беслансо, Домодедовань аэропортсо ды Московонь метросо теракттнэде.
Журналонть прявт мелезэ – кандомс Мордовиянь эрицятнень видьс зыянтомочинь прявт вешематнень, теемс-пурнамс чарькодема марто вановт террористэнь потенциальной тандавкстнэнень ды максомс эрявикс кармавтомат зыянов тевтнесэ видестэ прянь ветямга.