Мордовиясо ушодовсь Региононь Прявтонть пельде Од иентень казнень явомась. (ЭРЗЯ)
Тедиде кенярдовтовить вейксэньгемень тежадо ламо эйкакшт.Безлюдовтнень ламо эйкакшонь триця кудораськентень казнетне максовсть васенцетнень ютксо. Людмила мирдензэ марто кастыть 7 эйкакшт. Покшонтень 21 ие, а сех вишкинентень — 5. Весемезэ од иестэ ламбамо казнеть явовить сынст 4 эйкакшнэнень. Эрьва ие од иень казнетнень дизайнась полавтови. Тедиде ве ено артозь сы иень тешксэсь, омбоцесэнть – республикань прявтонть эйкакштнэнень пшкадемазо. Полина Безлюднова тонавтни 7-це классо, сон лови, што Од иесь, те сех прявт кенярксчи. Республикань бюджетстэ од иень казнетнес явозельть малав 28 миллионт целковойть. Вейкенть питнезэ — колмосядт кемень. Казнесэнть невтезь «Ламзурь» кондитерской фабрикань продукциясь. Мордовиясо Прявтонть пельде казнень максомась теевсь уш паро коекс, конась поладови кеменде ламо иеть.