Мордовиянь Прявтось ульнесь Саранскоень автомеханической колледжсэ, конась панжинзе кенкшензэ педе-пес витнемадо мейле (эрзя)
Одкстомтомань тевтне топавтозельть «Од ломанть ды эйкакшт» раськень теварсевксэнть лувсо. Артём Здунов макссь покш питне одкстомтомантень: витнезельть техникумонь потмось, нупальтне, истя жо коммунальной сеттне, латось, фундаментэсь, потолоктне, путозельть од вальмат ды кенкшт, рамазь од оборудования.
Ёвтасынек, тедеде техникумов састь тонавтнеме малав 700 студентт, конатнень ютксто 50-тне – Россиянь лия регионтнэстэ.
«Профессионалитет» федеральной теварсевксэнть лувсо техникумсонть теезь транспортонь отраслянь цифровой технологиятнень виевгавтомань кластер. Республикань важодемань таркатнень максыцятнень вешемаст коряс анокстамонь программатнес совавтозь профессиональной од модульть: искусственной интеллектэсь, кибербезопасностесь, квантовой коммуникациятнень ванстомась, транспортонь систематнень важодемань оптимизациясь ды сынст лезэвчист ды сэтьмечист кастомась, логистикась.
Саранскоень автомеханической техникумось кармась республикасонок СПО-нь васенце учреждениякс, косо теезь Тиринь масторонь зыянтомочинь лувонь ды ванстомань коряс нупаль.
Тешкстасынек, ансяк тедеде Артём Здунов Мордовиянь Прявтонть арсеманзо коряс, раськень теварсевксэнть лувсо ды федеральной куншкакуронть лезксэнзэ вельде педе-пес витнезь 29 школат, эйдень 6 кужот ды СПО-нь 4 учрежденият. Мордовиянь команданть икеле ашти аравтома – 2030-це иенть самс витнемс региононь тонавтомань весе учреждениятнень, конатненень те эряви.