Мордовиянь «Поиск» вейсэндявксос совицятне велявтсть Калугань ёнкссто (эрзя)
Калугань ёнксонь Милотичи велесэнть ютась Мордовиянь Рославлянь Якстере знамянь стрелоконь 326-це дивизиянь 48 солдатонь ды офицерэнь кадовкстнэнь калмамось. Мероприятиясонть ульнесть «Чивалгомань фронт. Варшавань ки» Раськеютконь военно-исторической экспедицияс совицятне.
«Якстере армиясо улицятнень кадовкстнэ муезельть Калугань ёнксонь Барятинань буень таркасонть «Дела и люди 326-й стрелковой дивизии» вешнемань экспедициянть лувсо Мордовиянь республикань патриотической «Поиск» вейсэндявксонь вешницятнень вельде. Истяжо муезельть солдатонь 2 медальонт, конёв марто кошелёк ды алюминиень 3 сёрмадозь пенчт. Ушмантнэнь ледстнемаст кундазель чатьмонемань минутасо, истяжо калмонтень путозельть цецят», — ёвтнесть вешницятне.
Сынь тешкстызь, сынст прявт тевесь – те Масторонь олячинть кис чавовозтнень, Якстере Армиянь советской ушмантнэнь ледстнемаст ванстомась ды пингес кадомась.