Мордовиянь буетнесэ теевить вете од паркт! (эрзя)
«Развитие малых городов и исторических поселений» форумсонть яволявтсть ошонь вадря средань теемань сехте вадря проекттнэнь весе Россиянь пелькстамонь изницятнень.
“Сон лезды теемс самай сеть таркатнень, конатне эрявить ломантненень. Целанек пелькстамонь ютавтомань весе шканть перть изницякс лиссть 1 040 эрямо таркат, конатнесэ кочказь 1 903 проектт, сынст эйстэ течинь чинтень топавтозь 1 168», – тешкстызе Марат Хуснуллин РФ-нь Правительствань Прявтонь полавтыцясь. Сехте вадрятнень юткс совасть Мордовиясто вете общественной таркат, конатнень вадрялгавтсызь сы иестэ. Темниковасо, Лямбирьсэ, Зубова Полянасо, Атяшевасо ды Комсомольскойсэ неень шкань площадкатнень теемантень федеральной бюджетстэ явовить 400 миллиондо ламо целковойть.