Кштимань илядьсь (МОКША)
Республикасонк оцю мяль шарфневи эряфкшуфнень лангс. Лама эрь кодама проектта, конат лемтьфт сире ломаттненди, сувафневи эряфс. Фкясь эздост – «Здоровье — танцы круглый год», конань видеса ётафневихть илат, коса ломаттне васьфнихть фкя-фкянь мархта, кштийхть и морайхть. Мекольцесь Саранск ошень культурань Дворецса кочказень марса сиренятнень, конат аф кельгсазь стак ащемаснон. Проектть целец — кштимать вельде кемокстамс эряфкшуфнень шумбрашиснон. Илать аноклаенза серьгятькшнесазь ошень творческяй коллектифнень. Кой-кит илас сафнень эзда морай сонць. Вов тяфта весяласта сире ломаттне, инвалиттне, ветераттне ётафнесазь эсь ётка пингснон. Тяфтама илатне лездыхть кеподемс ошень эряйхнень мяльснон. Улель цебярь, кда ня васедематне ётафневольхть сяда сидеста.