«Кияк апак стувто» (эрзя)

Мордовиянь прявтошсо войнань ды трудонь подвигень Мемориальной музеенть лувсо ютась «Кияк апак стувто» ПФО-нь вешнемань отрядонь республикань эскельксэнь слёт. Сонзэ эйс пурнавкшность Мордовиянь эрьва кодамо буень 16 иестэ саезь 30 иес 90 ламо вешницят. Од ломантне невтизь эсь содамочист военно-патриотической викторинасо ды архивсэ вешнемасо, невтизь эсест ёрокчист васенце лезксэнь максомасо. Покшчинь ютамодонть мейле активисттнэ тусть Ростовонь ёнксос экспедицияс.
«Республикань вешницятне лездыть ванстомс видечинь историянть ды раськень алкуксонь ледстнеманть. Ожоковсто сынь невтьссызь Мордовиянть ПФО-нь вешницянь отрядонь цётамонь Слётсо. Арсян изнявкст», — тешкстызе региононь Прявтось Артём Здунов.
Ожоковонь 4-6-це читнестэ Обран ошсо юты «Кияк апак стувто» Рав чирень федеральной округонь вешницянь отрядонь цётамонь Слётось.