Иенть ушодкссто саезь Мордовиянь 74 студенткатнень туртов Россиянь социальной фондонь региональной отделениясь пандсь пешксесэ ды чачтомань коряс пособия (эрзя)
Тешкстама, ярмакось явови аватненень, конат очно тонавтнить республикань вузтнэсэ, тонавтнемань профессиональной ды наукань учреждениятнесэ, дополнительной образованиянь организациятнесэ. Те а ашти сень эйстэ, кода тонавтни студенткась – питневтеме эли ярмаконь пандозь.
Икеле ярмакось пандовсь сыця шкань аватненень тонавтнемань заведениясонть. Ютазь иень таштамковсто саезь – Россиянь социальной фондонь региональной отделениясо. Ды те шканть перть пособия получасть 123 студенткат-очницат. Весемезэ явозель 8 миллионт 275 тёжат целковойть.
Пособиянть покшолмазо эрьва региононть туртов эсезэ ды ловови больничноенть шканзо ды эрямонть туртов сехте аламо эрявикс ярмактнень покшолмаст коряс.
Тонавтнемань од иестэнть студенткатнень ютксто сыця шкань аватненень пандыть 81 тёжа 886 целковойть 140 чинь перть отпусконть кис ды седеяк ламо стака чачтоманть кис ды ламо эйкакшсо пешксесэ студенткатненень. Ярмакось пандови весе сеске.
Пособиянть лангс яволявксонть мереви максомс «Госуслуги» порталонть лезксэнзэ вельде, Россиянь Социальной фондонь региональной отделенияв молемстэ эли МФЦ-сэ.
Седе домкасто теде пачтяви Россиянь Социальной фондонь региональной отделениянь «МАКС» кулялопасо эли 8-800-100-00-01 номерга.