«Геройхнень пингсна» региононь оцю фестивальсь ётай Саранск ошса 14-це сентябрьста (мокша)
«Мордовия Арена» стадионца инжихненди аноклави козя программа. Прявкссь иласа — Народонь 3-це премиянь каземань пялькссь, коса казевихть сят ломаттне, конатнень тевсна шарфтф лиятнень лездомати и масторсонк эряфонень цебярьгофнемати. «Геройхнень пингсна» — оцюдонга оцю ила, кона пуропнесыне эрь кодама кизонь, национальностень и кемамань ломаттнень. Ушеды сон 12 частса «Мордовия Арена» стадионца. Фестивалень билетт ули кода рамамс Bileton.ru сайтса. Рамавихть билеттне и илать сяка жа шистонза, а стане жа Пушкинскяй картать вельде. Льготнай категориянь мархта эряйхненди синь кармайхть мишендевома 14-це сентябрьста кассаса 50 процентонь скидкань мархта. Сисем кизоти молемс шабатненди — питнефтома. 20-це частста каземань пяльксста меле Моховой лоткама вастса инжихнень эса кармайхть учема автобуст, конат усксазь синь ошень эрявикс районц.