Эрь ваймама шитнень республиканскяй юбилейнай “Шумбрат, Мордовия!” XXX-це фестивальсь-конкурссь якай инжикс республикань райоттнень эзга (мокша)

Культурань куттне арсихть кучка вастокс, коза пуромкшнихть тя или тона аймаконь артисттне и синь кельгисна. Ёткшиста моронь и кштимань кельгови праздниксь ётафтовсь Ковылкина ошса. Тя райононь творчествань коллектифне анокласть мазы номерхт, конатнень ёткса рузонь, мокшень, эрзянь и татаронь морот. Артисттнень козя программасна нинге весть няфтезе, што Ковылкина аймаконь ломаттне ванфнесзь койхнень-обуцятнень, а синць эряйхне афкуксонь эсь тевонь мастярхт. “Шумбрат, Мордовия!” фестивальсь-пялькстомась тядде ётафневи мокшень и эрзянь народть регионъётконь общественнай организациять, культурань инициативань Президентскяй фондть и Мордовиянь Оцюнять Артём Здуновонь лезксснон вельде.