Эйкакш мельга якамонь оймсемасо улиця аватнень од профессияс тонавтома (эрзя)
Мордовия Республикава «Россиясо важодема» порталсо течинь чис максозь тонавтомань 170 ламо программат. Сынст эйстэ малав пельксэсь туи мельс аватненень, конат ней аштить эйкакш мельга якамонь оймсемасо. Профессиятне эрьва кодат: бухгалтер, секретарь-администратор, кадрань коряс специалист, тевень топавтыця. Мереви варчамс од лувтненьгак: маркетплейстнесэ важодеманть, веб-дизайнанть, цифрань маркетингенть, программной обеспечениянь ванноманть, транспортонь логистиканть. Неень шкань профессиятнень прявт таркасо — васоло аштемстэ важодемась, мезесь пек лади од аватненень. Курсатнень эйстэ покш пельксэсь истяжо ютыть дистант вельде, мезе теи тонавтнеманть весенень максовицякс. Региононь кадрань куншкакуронь даннойтнень лангс нежедезь «Демография» раськень теварсевксэнть коряс иень ушодовомсто тонавтомас кучозельть 52 ават. Тонавтнемс од профессияс или кастомс улиця квалификациянть мереви аволь ансяк аватненень, сетнененьгак, кие ашти эйкакш мельга якамонь оймсемасо – сырькайтне, покштятне, тетятне.