Мордовиянь прявтось Владимир Волков Московсо ютавтсь зярыя вастовомат (ЭРЗЯ)
Павел Колобковонь – Россиянь спортонь министранть марто вастовомасо кортнезельть республикань ды Масторонок Правительствань ютксо вейсэнь важодемадо кевкстематне, конат васняяк сюлмазь пильгеоскань коряс малавгадыця чемпионатонтень анокстамонть, объектнэнь кепетемаст прядовоманть, федеральной бюджетэнь средстватнень лангс мероприятиятнень ютавтомаст марто. Владимир Волков пачтясь республикасо чемпионатонтень анокстамодо, целевой программань тевс нолдамонь прявт топавтоматнеде. Саран ошсо футболонь коряс чемпионатонтень анокстамонь программань прядомадо, сонзэ лувсо федеральной бюджетэнь тевс нолдамодо кортамось мольсь Республикань Прявтонть Россиянь спортонь министранть полавтыцянзо Павел Новиковонь марто вастовомстояк. Вастовоматнесэ ульнесь Мордовиянь Правительствань Прявтонь полавтыцясь – целевой программань министрась Алексей Меркушкин