С.Я.Маршак лемсэ эйкакшонь библиотекасо тешкстызь Мастянть! (ЭРЗЯ)
«Ламзурь» фольклорно-этнографической ансамблянь аватне ёвтнесть Саран ошонь школань тонавтницятнень туртов, кода икелень шкатнестэ ютавтсть Мастянь читнень. Эрзянь ломантне пек вечкилизь те кенярксчинть. Сонзэ лангс сынст ульнесь эсест вановтост. Мастясь – те аволь ансяк телень ильтямо, те тундонь тердема! Эрзянь раськень ломантнень Мастянь койтнень эйстэ вейкесь – панемс аволь ансяк пачалксеть, но и прякат. Эйкакштнэнь налксема вельде содавтызь Мастянь читнень лемест марто, ютавтсть тейтерькатнень ды церынень ютксо пелькстамот. Тонавтницятне сынськак анокстась эрзянь кельсэ валморот покшчиденть. Сюпаволь мастясь эрьва кодамо ярсамопельсэ. Мордовиянь кой-кона велетнесэ мастянь читнестэ тусто чапаксто, конань ичились пек кеместэ, тейнесть сюкорнэнь. Мастянь читне поладовить! Бути кие эзь кенере ярсамс ды каванямс тантей пачалкседе, икеле кадовсть зярыя чить. Капшадо!