Александр Полежаевень лемсэ музеесь ютавтсь «Что ж будет памятью поэта» валморонь ловныцянь пелькстамо (ЭРЗЯ)
Александр Полежаев, Рузаевкань сюпав помещикенть Николай Струйскиень нуцьказо. Николай Еремеевич лововсь Рав кужосо пек сюпавтнень ютксо, сон ульнесь графоманокс, нолдась книгат. Александр Полежаев ульнесь Струйскиень церанзо ды крепостной тейтерень эйкакш ды кайсь сон Иван Полежаев купеценть кудосо, конань экшс максозель авазо. Церанть ульнесь аволь шождыне эрямозо. Те иестэнть топодить сядо кавксоньгемень иеть Полежаевень кулома чистэнзэ саезь, пелькстамось алтазь те дататнтень. Пелькстамось ютавтови зярыя номинациява. Течинь чинтень пелькстамонтень явсть мель 34 ломанть, конатненень 6 иестэ 18-вос. Жюрис совицятнень юксто ламо содавикс сёрмадыцят, филологт ды ёроков ломанть, сынст кенярдовты се тевесь, што эйкакштнэ мельспаросо седеень путозь ёвтнесть валморотнень ды кочкамс сех вадрянть сынст ютксто карми а шожда.