Филологиянь факультетэнь нилесядт васенце номер группась кармась «Лучшая академическая группа-2017» пелькстамонь изницякс. (ЭРЗЯ)

Малав   ие сынь  анокстасть те пелькстамонтень. Эрьвась эйстэст путсь ламо вий ды вана арсезесь топавтовсь. Ютазь иень пелькстамосонть группась саизе ансяк нилеце тарканть, секскак те иестэнть сынь изницякс улемга путызь весе виест. Ансяк сынсь содыть зяро тевть эрявсть топавтомс, сёрмадомс сценарий, эрьва чи пурнавкшномс репетицияв, стамс костюмт. Ютасть вейке этап, мейле омбоце. Факультетэнь прявтнэнь валост коряс, те группась пек виев ды ёроков. Кевейкее ломантнень эйстэ малав весе тонавтнить ансяк ветес. Алкукскак нилесядт васенце номер группась – факультетэнь сюпавчи. Те изнямонть покш питнейчизэ сень эйсэ, што сон аволь вейке группань изнявкс, а ламо ломанень топавтовкс.