Мордовияв пачкодсть 200 ды 2000 целковоень покшолмасо од банкнотатне. (ЭРЗЯ)
Саранск ошсо республикань Национальной банксонть ютась официальной презентация. Артовксонть од ярмактнень лангс кочкизь СМС вельде вайгелень максомасонть. Изницякс кармасть «Восточной космодромось», «Русский» усиянтень сэдесь, «Херсонес Таврической» ды Ваязь иневенчтнэнень кеврунгось. Ожоковсто од банкнотатне пачтявсть сеть оштнэс, конатне невтезь лангсост. Те Севастополь, Владивосток, Симферополь ды Москов. Кода ловить Мордовиянь Национальной банксонть, од купюратне лездыть седе курок топавтомс пандомань тевтнень. Сынь жо кемевтить, од банкнотатне ванстозь подделкатнень эйстэ. Саемга 2000-нь купюранть лангсо ули оптической переменной элемент, голографиянь суре ды водяной тешкс. Овсе курок ярмактне кармить нолдазь тевс, ней моли банкоматтнэнь ды кассовой оборудованиянь анокстамось.