Саранскойсэ ютась Весероссиянь педагогонь X-це научно-практической конференция «Поликультурное образование: опыт и перспективы». (ЭРЗЯ)
40 ламо региононь тонавтыцят, аспирантт, наукасо важодицят яволявтсь конференциясо пелькстамодо. Пленарной промксонтень састь республикастонок ды Россиянь 10 субъетктнэстэ 178 педагогт. Весе сеть, кить бажить кортнемс ламо раськень масторсонок ламо культурань тонавтомань келейчисэнть прявт кевкстематнеде ды стакачитнеде; явомс мель эрямопингень сюпавчинть ванстомантень. Содазь, Саран ошонь 19-це номер тонавтомань организациясь сови Россиянь гимназиянь вейсэндявксос. Инжетнень ютксо – сыцят масторонок лицейстэ, гимназиясто, школасто, конатнень марто кирдевить кеме ды ояксчинь сюлмавомат. Те иень конференциясь алтазь содавикс ученоенть, педагогонть, государственной ды общественной деятеленть Григорий Меркушкинэнь чачома чистэнзэ саезь 100 иень топодемантень. Сонзэ лемс гайгсть ламо лембе валт. Историко-социологической институтонь прявтось Николай Арсентьев евтась мель- тонавтома кудотненень макснемс ине ученоенть лемензэ. Учови, сы иестэ кармить ютавтневеме Григоррий Меркушкинэнь лемензэ ледстнемга патриотизмань урокт. Чинь омбоце пельксстэ конференциянь важодемась поладовсь 10 секциява. Научно-практической конференциянь ютавтыцятне- МР-нь образованиянь министерствась, МР-нь образованиянь институтось, Республикань раськень культурань межшкольной центрась, Саран ошонь 19-це номер гимназиясь.