Коми Республикань прявтошсо полады роботанзо Россиянь финнэнь-угрань раськень 6-це Инекужось. (ЭРЗЯ)

Форумонь ютамо шкасто важодсть 5 секцият. «Келесь. Образованиясь. Наукась» куронтень пурнавсть пек ламо ломанть. Содазь, тень коряс течинь чис пек ламо кевкстемат ды стакачить. Паро невтевксэст келень тонавтомань ды популяризациянь коряс Коми республикань келень инновациянь технологиянь коряс куронть! Меельце иетнень перть штатось, ков совить кемкавтово ломанть, анокстасть раськень тешкс марто клавиатурань невтевкст, электронной валкст, электронной библиотека, конасонть литературась аволь ансяк ловнови, теде башка кунсоловияк. Покш топавтовксось – ютазь иень прядовомсто ушодозь «Коми медиатека» электронной архивень теемась. Интернетсэ коми кельсэ социальной сетьтнень ветямось. Делегаттнэ покш мельсэ кортасть изнявкстнэде, явсть мель стакачитненень, конатнень ютксо тонавтнемапельтнень государственной стандартонь коряс нолдамось, национальной кадратнень асатомась, кельтнень содамонь лавшочись, раськенек ломантнень ламочинь киртямось ды  ламо лият.   «Од ломантне: гражданственность, патриотизма, койть» круглой стольсэ, «Культура. Этнотуризма», «Экология. Раськень шумбрачи», СМИ-нь секциятнесэ делегаттнэ ды участниктне аволь ансяк кортнесть талновтыцядо, теке марто ёвтнесть мельть-арсемат седе, кода кардамс, витемс вастневиця стакачитнень, ванстомс весементь тиринсенть. Истямо-ояксчинь форумонь питнечиденть кортыть весе пурнавозтне, мельсэ кирдезь сеть ломантнень лемест, кить аштесть Россиянь финнэнь-угрань движениянь ушодкссо.