«Авылым тавышлары» татаронь моронь фестивальденть. (ЭРЗЯ)
Пелькстамонь ютавтыцятне МР-нь культурань ды национальной политикань министерствась, республикань раськень шкинемань кудось ды Лямбирень администрациясь. Васняяк те ульнесь пелькстамо Лямбирень райононь коллективтнень ды морыцятнень ютксо. Шкань ютазь, сондензэ кармасть содамо лия буень татаронь моронь морыцятне ды ней сон теевсь республиканской пелькстамокс.
Жюрисэ содавикс музыкант, татаронь культурань, моронь парсте содыцят. Питне путомо кармить аволь ансяк вокалонть кисэ. Ваныть, кода морыцятне кармить ветямо пряст сцена лангсо, кодамо кочкить костюм ды аранжировка.
Фестивалень цётамокс кармить зярыя призовой таркат: кавто номинациятнесэ иень эрьва кодамо категориясо колмо степенень «Лауреат» лемесь. Жюринть вийсэ явомс таркатнень, макснемс башка казнеть ды дипломт. Лецтясынек, фестивалень-пелькстамонь гала-концертэсь карми таштамковонь 23-це чистэ 13 чассо Республикань культурань кудосо. А шкань ютазь, концертэнь сех вадря моротнень ванодо минек каналонь, «Туган як» передачасо.