Валерий Марков васьфнесы 70 кизонь юбилеенц! (МОКША)
20 кизода лама сон ульсь финно-угрань народонь международнай Консультативнай комитеть председателец. 2015-це кизоня Валерий Марковонь кочказь Россиянь Федеральнай Собраниять Федеральнай Советонцты членокс. Вяти оцю общественнай эряф. Примась участия ООН-ть коренной народтень коряс покоди группать эса. Макссезень арьсеманзон «Декларация прав коренных народов» и «Декларация лингвистических прав» проекттень эса. Валерий Марков фкясь ламотнень эзда, кие ащесь Коми республикань физико-математическяй лицей-интернатть тиеманц коряс. Тя афкукс покоди ломань и эсь родинацты патриот, конац ванфтсыне и виияфнесыне финно-угрань народтень эряфснон лама сфератнень эса. Оцю илать мархта лямбе валхт казсь Россиянь финно-угрань народтнень Ассоциациянь оцюняц, Саранск ошень мэрсь Пётр Тултаев. Лама пара тевда ульсь Валерий Марковонь эряфонц къвалма и лама тевда вяти тяниень пингть. Финно-угрань народтень фкя-фкянь ладямаснонды, ётксост койхнень аф юмамаснонды и кяльхнень ванфтомаснонды сон фалу шарфни оцю мяль. Валерий Марков тякштаф питни казнеса, конатнень ёткса Жуковонь медалец, Ладямань орденць, лама Шнамань кагодтта, лятфтамань и отличиянь знактта.