Эрзянь эстрадась виензы (ЭРЗЯ)

Сонзэ лемесь нурька шкань перть кармась содавикс ламо од ломантненень. Сёрмады морот кода эсензэ истя и лиятнень туртов. Иень перть сёрмадсь ниле морот, курок шкане аноксты ещё кавто. Шкинеманзо кисэ казезель покш казнесэ «Студенческая весна» пелькстамосо, кона ютась Тула ошсо. Мельсэнзэ келейгавтомс эрзянь-мокшонь эстраданть, теемс сонэ седе вечкевиксэкс од ломантнень туртов. Андрей эзь арсеяк, што карми морамо покш сцена лангсо. «Студенческая весна 2017» пелькстамосо, кона ютась Тула ошсо, сон саизе васенце тарканть «Авторской моро» номинациясо. Те иестэнть фестивалесь ульнесь юбилейнойкс. Ушодызе кинзэ комсь вете иеде теде икеле. Туласо ютавтовсь васенцеде. 3500-до ламо ёроков од ломанть, РФ-нь 85 субъектстэ невтизь эсест маштомачист морамосо ды киштемасо. Жюрисэ покш лем марто морыцят, актёрт, режиссёрт. Мордовиясто фестивалев якасть кемень ломанть. 8 номертнэнь эйстэ вететне кармасть изницякс эсест номинациясо. Вокалонь коряс республиканок изнясь колмо номинациясо: «эстрадань вокал», «вокальный коллектив» ды «авторской моро». Зняро казнеть те фестивальстэнть Мордовиянть арасельть зярдояк!