Мордовиянь пожарнойтненень ды идицятненень течи максовсть техникань 12 од единицань эйстэ ключт. (ЭРЗЯ)
Ютазь иестэ Россиянь МЧС-сь кучсь регионозонок неень шкань техникань 20 единицат. А 2017-це иенть ушодовомсто тагояк пештявсь автомобилень паркось. Те 8 пожарной автоцистернат, 2 пожарно-спасательной автомобильть, автоколенчатой подъемник ды прицеп марто аварийно-спасательной машина. Пожарно-спасательной частень прявттнэнень ключтнэнь казизь таркасо МЧС-нь прявтось Андрей Наумов ды Саранск ошонь мэрэсь Петр Тултаев. Од автомобильтне тусть служамо Саранск ошонь, Рузаевкань, Покш-Березникень ды Зубова-Полянань пожарно-спасательной частьтнес. 2016-це иенть прядовомстонзо саезь 2017-це иенть ушодовомс республикань МЧС-нтень максовсть 30-де ламо аволь ансяк автомобильной техника, но и снегоходт ды снегоболотоходт. Истямо одкстомтома а кирдить мельсэст МЧС-сэ умок важодицятнеяк. Эряви тешкстамс, кастови аволь ансяк ламочись, но и парочиськак.