«Од вий» тиринь кельсэ эстрадань моронь регионъютконь фестивалесь курок Саранскойсэ. (Межрегиональный фестиваль эстрадной песни «Од вий» скоро в Саранске) ЭРЗЯ.

«Седяк, гармония» республикань фестивалесь ансяк прядовсь, а раськень шкинемань кудонь важодицятне анокстыть од фестивалентень. Чадыковсто «Од вий» пелькстамос Саранскоев сыть лия региононь тиринь кельсэ морыцятне. Кода свалгак те фестивальсэнть кармить гайгеме морот, конат гайгить дискотекатнесэ, неень шкань содавикс моротне, конат ютавтозь эрзянь, мокшонь кельтнес, истяжо эстрадной обработкасо народной морот, профессиональной ды самодеятельной композитортнэнь произведенеияст, автортнэнь-морыцятнень эсест морост. Седе тов кармить анокстамо «Мир кукол» ваставкантень, а кизна ютавтсызь «Песни ямщиков» пелькстамонть. Раськень шкинемань кудонь важодицятне истяжо кармить лездамо «Туризмань чинть» ютавтомасо. Улить истяткак мероприятият, конатнень сави ютавтомс аволь планонь коряс. Тешкстасынек, 2016-це иесь «Шумбрат, Мордовия» фестиваленть туртов карми юбилейнойкс.

Лиякс меремс, иень перть раськень шкинемань кудонь важодицятне вешнить од лемть, лангс ливтьсызь кедьчелькев ломантнень, лездыть промыслатнень кастомантень.