Коммунальнай службатне урядайхть ошень ульцятнень эса (Коммунальные службы заняты уборкой улиц города) МОКША
41-це домоуправлениясь – фкясь инь цебярьхнень ёткса Саранск ошса. Тяса покодихть эсь тевонь содай и трудонь кельги ломатть. Сембе вийснон синь путнесазь сянди, штоба ошень эряйхнень эзда афольхть уле пеняцямат. Вов и ловть прамдонза меле домоуправлениянь покодихне кярьмодсть сонь урядамонза марстонь вийса.
Домоуправлениять ули эрь кодама спецтехникац. Но оцю даволхнень пингста сашендови эняльдемс ГУК-ненди лезксонкса. Васенце задачась фалу – тя куттнень инголе и ульцятнень арушисна. Но аф сидеста удалси сембонь тиемс лац-ряц. Тялось ни пачкотькшни кучказонза. Код най, февраль ковста прашенды лама ловда, сяс домоуправлениянь работникне фалу анокт кярьмодемс ловонь урядамати.