Мордовиясь вастынзе кото регионтнэстэ школасо тонавтницятнень (эрзя)
«Семья» раськень проектэнь «Семейные ценности и инфраструктура культуры» федеральной теварсевксэнть коряс 2026-це иень таштамковсто саезь ожоковс Мордовиясо ютась «Мордовия: традиции народов и единство» школасо тонавтницятнень туртов культурно-просветительской маршрут. «Ветер странствий» туроператорось примась эйкакшонь 6 группат Владимирской, Кировской, Волгоградской, Ленинградской, Самарской ёнкстнэстэ ды Башкортостансто.
Тонавтницятне теевсть содавиксэкс рузонь, эрзянь, мокшонь ды татаронь культуранть марто. Саранскойсэ сынь кармасть содамо республикань историянть ды неизь Степан Эрьзянь важодевксэнзэ, Вирь Тавласо — эрзянь чувтосто керсеманть, Сыре Теризморгасо — мокшотнень эрямо лувост ды фольклорост. Эйкакштне неизь раськень оршамопельтнень ды кудоютконь кедьёнкстнэнь, маризь раськень музыканть.
Мордовиясто школасо тонавтницятнень делегациясь теке жо шкастонть ульнесь Московсо «Москва: культура и искусство» маршрутонть коряс — теевсь содавиксэкс прявтошонь историянть, архитектуранть ды музейтнень марто.