Ульяновск ёнкссо 10-цеде ютась «Сиянь баягинеть» эрзянь ды мокшонь шкинемань фестивалесь (эрзя)

Сех вечкевикстнэнь ютксо вейкекс кармась «Сехте вадря артовкс» номинациясь, косо тедеде эсь важодемаст невтизь 232 ломанть. Пелькстамосо васенце совавтозель «Этнокультурань тевкадовксонь ванстомань коряс тонавтыцянь сех вадря важодема» башка номинация. Тесэ тонавтыцятне, эйкакшонь кужонь важодицятне ды дополнительной тонавтомань коряс содамочинь максыцятне невтсть методикань теевкст, мероприятиянь ютавтомань сценарийть, дидактикань пособият, конатне сюлмазь тиринь келень ды литературань тонавтоманть марто. Покшчись алтазель Россиянь раськетнень вейкетьксчинь иентень.
Фестивальсэнть ве сценасо 7 иестэ саезь 15 иес «Фольклор» ды «Тиринь вал» номинациятнесэ эсь шкинемаст невтизь Павловань, Николаевкань, Барышень, Инзань, Кузоватовань буетнестэ ды Ульяновскойстэ эйкакштне.
Сех вадрятненень максозельть питней казнеть. «Сиянь баягинеть» фестиваленть прявт ютавтыцятне – Ульяновск ёнксонь тонавтомань кастомань институтось, Ульяновск ёнксонь эрзянь ды мокшонь раськень ды культурань вейсэндявксось.