Литературань вечкицятненень (эрзя)
Пек паро куля сетненень, кить вечксызь эрзянь ды мокшонь литературанть ды ваныть Мордовиянь од автортнэнь шкинемаст мельга. Лиссь “Од тёкшт” од автортнэнь произведениянь пусмост. Книгань пурныцясь – од сёрмадыцясь Алёна Артемьева. Тиражось 350 экзэмплярт. Книгась нолдазь Мордовиянь Минцифранть ярмаконь лезксэнзэ вельде. Пусмонтень совасть Мордовия Республикань ёроков 12 од автортнэнь од произведенияст, конат невтить эрьва кодат жанрат (валморот, ёвтнемат, очеркть, эссеть) рузонь, мокшонь ды эрзянь кельтнесэ.