Куля лия регионсто! (эрзя)
Ульяновск ёнкссо Инза ошонь ушодксонь классонь школасо «Тиринь (эрзянь) келень тонавтыцянь методикань мастерской» региононь семинарось вейсэндинзе тонавтыцятнень. Весемесь алтазель Россиянь раськетнень вейкетьксчинь иетнень ды Россиянь раськетнень келень чинтень. Инжетнень туртов важодсть интерактивной зярыя таркат. Теде башка весень каванизь раськень ярсамопельсэ. Шумбракстнемань вал марто пшкадсть А. Игнатов Инзань буесэ Тонавтомань управлениянь прявтось ды Владимир Софонов Ульяновск ёнкссо эрзянь ды мокшонь раськень ды культурань вейсэндявксонь ветицясь. Кортыцятне тешкстызь Инзань буесэ тиринь келень ды раськень культурань кастоманть. Тонавтыцятне ютавтсть мастер-класст ды истя невтизь тонавтомасо шкань методикатнень. Иень прядовомас истят вастовоматне кармить поладозь.