Н.А. Кручинкин лемсэ «Поиск» вешнемань сводной отрядось тусь Калугань ёнксов экспедицияв (эрзя)
Течи Н.А. Кручинкин лемсэ «Поиск» вешнемань сводной отрядонь Мордовиянь весе буетнестэ 38 боецтнэ сыргась «Западный фронт. Варшавское шоссе” лементь ало Калугань ёнксов экспедицияс.
Коень коряс свал палыця толонть вакссо эйкакштнень туртов гайгсть кармавтомань валт, ды ютась Чатьмонемань минута ине Отечественной войнань Иетнестэ тиринь Масторонть кисэ эрямост максыця геройтнень ледстнемга. Мордовиянь поисковиктнень туртов те экспедициясь лия ёнов а молиця, сон карми алтазь ялгаст поисковикенть – Сергей Новиковонь ледстнемга.
Вешнемань тевтне кармить ютамо 50-це Армиянь тюремань таркатнесэ. 1941-це иень ацамковсто Москов ало контрнаступлениянть шкасто советэнь ушмотне ёртызь ятонть Тула ошонть эйстэ, олякстомтызь Калуганть ды 1942-це иень якшамковсто лиссть Варшавань кинть ёнов. Тесэ, «Зайцева гора» 269,8 сэренть маласо Якстере Армиясь вастовсь ятонть оборонанзо марто – те участкасонть тюрематне мольсть 1943-це иень эйзюрковс. Тюрематнесэ чавовсть 100 тёжадо ламо советской солдатт ды офицерт.