Минек ёнксонь откертнеде (эрзя)
«Тюремань 94 ардомат, идезь 117 эрямот, ятонь пилоттомо 5 ливтнемапелень правтомат — минек ёнкссо эрицянть, Ицялонь буесэ чачозенть Денис Трусов гвардиянь ефрейторонть меельце зярыя ковтнень перть тюремань топавтомат. Денис – санинструктор. Ятонь толонь вачкодематнень ды дронтнэнь ёртовоматнень ало иди ранявозтнень, пачти ялгатненень эрявиксэнть. Спецоперациянь таркасо – контрактонь коряс 2022-це иень ожоковсто саезь. Воинской долгонь топавтомсто кемечинть ды смелчинть кис минек откересь казезь II-це степенень «За храбрость» медальсэ.
Денис Александрович, седейвакссто ёвтан лембе валт! Аштетяно каштанчисэ!» — сёрмадсь социальной сеттнесэ Мордовия Республикань Прявтось Артём Здунов.