Медьковонть перть Мордовиянь эрицятнень кедьстэ салазь 56 миллионт целковойть (эрзя)
150 ламо зыянонь кирдицят ды 56 000 000 целковойть ёмавкст: Мордовиянь полициясь яволявтызе медьковонть перть манчицятнень вельде цётамотнень. Медьковонь манчемань схематнень ютксо икелев лиссь се, конась сюлмазь «сим-картань тевс ды сюлмавомань договортнэнь поладомань нолдамонть марто», омбоцесь – ломантнень лемест пельде кредитэнь саемась ды картастост ярмакост саламонь а нолдамга «зыянтомо счётс» ютавтомась». Неть схематнень вельде Мордовиянь 60 ламо ломанть ёмавтсть 35 миллионт целковойть. Ещё 25 ломанть ютавтсть манчицятненень малав 15 миллионт важодемань таркань вешнемстэ ды инвестициянь кастомсто. 1 миллиондо ламо целковойть ёмавтсть минек ёнкссо эрицятне, эрямонь стака тевс понгозь малавикстнэнень лезксэнь теемга. Зняро жо ёмавтсть питневтеме яволявтомань сайтсэ, социальной сеттнесэ ды содавикс маркетплейстнэсэ микшнемань ды рамамонь шкасто. Весемезэ иень ушодовомсто саезь Мордовиянь эрицятнень кедьстэ манчицятне саласть 242 миллионт целковойть.