Саран ошонь тонавтницясь лиссь «Большая перемена» весе Россиянь пелькстамонь полуфиналс (эрзя)
«Тавла» тонавтомань Куншкакуронь 11-це классонь Софья Алексаткина тонавтницясь лиссь «Большая перемена» весе Россиянь пелькстамонь «Познавай Россию» лувонть коряс полуфиналс. Сонзэ превспутыцясь – технологиянь тонавтыцясь, школань «Кванториумонь» поладомань тонавтомань педагогось Владимир Сироткин.
Тейтересь изнявкс марто ютынзе пелькстамонь весе кармавтоматнень: эссень сёрмадоманть, видеосодавтомань анокстамонть, тематикань кейсэнь топавтоманть. Медьковсто сонзэ учи очной полуфиналось. Ледстясынек, «Большая перемена» пелькстамось юты Россиянь Федерациянь просвещениянь Министерстванть ды од ломанень Федеральной агентстванть кирдемаст вельде. Эйсэнзэ пелькстыть 8-10-це классонь тонавтницятне. Пелькстамонь прявт тевезэ – максомс эрьва од ломанентень невтемс прянзо ды муемс эсеть виев пелькстнэнь. Кочкамонь прявт онксось – ёроктнень улемась, конат лездыть тонавтницянтень неень шкань масторсонть.