Изнямонь Музеень од невтема (эрзя)
Медьковонь 5-це чистэ И.Д. Воронин лемсэ Мордовиянь республикань вейсэндязь краеведениянь музеень официальной сайтсэ панжови «Ине Отечествань войнань иетнестэ Рузонь Православиянь Церьковась» Изнямонь Музеень невтема. Невтемась невтеви «Изнямонь тарка» Раськеютконь теварсевксэнть лувсо. Планшетэнь экспозициясь алтави Ине Отечествань войнань иетнестэ Рузонь Православиянь Церькованть Изнямонь тевентень ды путовксонтень.
«Ине Отечествань войнань ушодксось СССР-сэ государстванть ды Церькованть вейке-вейке марто сюлмавкссо ульнесь тевень лиялгадомань эскельксэкс, кона сайссь патриотизмань меленть-арсеманть, немецень-фашистэнь нельгицятнень каршо весе раськень бороцямонть кирдемга яволявтозь», — тешкстызь Изнямонь Музейсэнть.
Итернет-сыцятненень мереви содавтовомс Изнямонь Музеень фондонь оцифрованной материалтнэнь марто, конатнесэ ёвтневи армиясо священнослужительтнень службадост, партизанонь молемасонть сынст улемадонть, седе, кода кекштнесть эрицятнень гитлеровецэнь репрессиятнень эйстэ. Теде башка, 1941-1945-це иетнестэ теезь фотографиятне ёвтнить Сталинэнть Сергий, Алексий ды Николай митрополиттнэнь марто вастовоматнеде. Мелень весе явицятненень невтеманть марто мереви содавтовомс таштамковонь 9-це чис.